QE腫瘤科醫生

二零一四年十月七日, 我媽排期到伊利沙伯醫院腫瘤科見醫生, 可能會有重大缺定要今日處理所以我跟我妹都請了假陪我媽來. 我們比原定時間早了十五分鐘到達, 先在R座地下繳回診金($100), 之後就到五樓登記. 等叫名先做簡單檢查(度高/磅重/血壓/驗小便), 同時會收起在私家診所/醫院的檢查報告. 接著就是等等等... 約個半鐘頭後終於到我媽了.

接見我們的是陳醫生(幾後生靚仔), 先為我媽檢查傷口, 之後就解釋一下治療方案. 從我媽身上切除的腫瘤為HER++, 是一種毒性比較強的類型, 所以建議第一步進行化療, 之後再接受標靶藥治療. 化療一共四次, 每三星期一次, 有兩個Plan可以選擇. 第一種AC針全數政府津貼, 但有機會影響心臟功能. 第二種TC針, 每針須要自費$8000, 有機會影響免疫力但可以打針提升白血球, 如要注射升白針就要在化療前後打, 對應每一枝TC針另加$3000. 最後是標靶藥, 都是自費項目, 會根據病人身高體重計算份量, 醫生估計約$200,000-300,000, 我沒有打錯字, 真的是二三十萬! 標靶藥可以向政府申請津貼, 但要做一次資產審查.

聽完之後我媽就話唔想用咁多錢,甚至唔做化療, 當然結果是比我妹 Vava 話啦. 雖然做晒全個療程都有機會會復發, 但我們都想亞媽接受治療日後繼續生活, 又不想亞媽受副作用影響. 反正約兩星期後才回來QE覆診, 我們先等下星期去聽聽謝醫師意見.

離開前做了抽血用來檢查是否合適接受化療, 以及預約了跟做資產審查的姑娘見面.